Ohiko galderak

Erreserba bat egiteko, Erreserbak atalean duzu erreserba-formularioa bete behar duzu. Mugaritzek erreserba berretsiko dizu, eta kode bat bidaliko dizu zuk adierazitako helbide elektronikora.

2025 denboraldiko erreserba-eskaera egitean, mahaikide bakoitzeko 135 €-ko kargua egingo dugu. Kopuru hori azken fakturatik kenduko dugu. Joaterik ez badago, data aldatu edo erreserba hirugarren bati transferitu dakioke.

Erreserba ez da gauzatuko harik eta erreserba-taldearen berrespena jaso arte. Mezu elektroniko bat bidaliko dizugu adierazi diguzun helbidera. Mezu elektroniko horretan, erreserba berretsi ahal izango duzu, bai eta alergien edo intolerantzien berri eman ere.

Erreserba bertan behera uzteko, mezu elektroniko bat bidal dezakezu reservas@mugaritz.com helbidera, edota telefonoz deitu 943 522 455 zenbakira.

Joaterik ez baduzu, ez dira 135 €-ak itzuliko. Data aldatu edo erreserba hirugarren bati transferitu dakioke.

Zure erreserbaren egunean aurkezten ez bazara, ez dira 135 €-ak itzuliko eta ezingo da erreserba dataz aldatu, ezta hirugarrenei transferitu ere.

Zure erreserba dataz aldatu nahi baduzu, idatzi, mesedez, reservas@mugaritz.com helbidera edo deitu 943 522 455 zenbakira.

Erreserbako mahaikide kopurua erreserba baino 48 ordu lehenago arte alda dezakezu. Epe horren barruan aldatzen baduzu, ez dizugu mahaikide gehigarrien zenbatekoa itzuliko, baina aurrerakina oso-osorik deskontatuko dugu azken fakturan. Epez kanpoko aldaketek pertsonako 135 €-ko zenbatekoa galtzea ekarriko dute.

Mugaritzek gastronomia ulertzeko duen moduaren arabera diseinatutako esperientzia, arau jakin batzuk hausteko eta konbentzioak birpentsatzeko espazio gisa ulertua, non janaria mugak esploratzeko aitzakia baino ez den.

Mugaritzen, dastatzeko menu bakar bat eskaintzen dugu. Gure sukaldaritza eta filosofia islatzen dituen menua. Menu bakar bat izateak badu bere zergatia: sasoiko produktuen hautaketa onena eskaintzea, hain zuzen ere. Menua 23-25 proposamen baino gehiagok osatzen dute, eta aldatzen joaten gara, sasoiaren arabera, produktuen ziklo naturaletara egokitzearren.

Menua diseinatzeko orduan, kontuan hartuko ditugu erreserba egitean adierazten dizkiguzun alderdiak (alergiak, intolerantziak, gustuko ez dituzun produktuak…).

Mugaritzen ez dugu kartarik. Egun horretan zuentzako bereziki diseinaturiko dastatze menu batez gozatzeko aukera izango duzu.

Gure dastatzeko menua oso zabala denez, mahaikideak 2,5 ordu inguru izaten dira gurekin.

2025eko denboraldiko menuaren prezioa 297 €-koa da pertsonako, BEZ barne. Edariak ez daude barne.

Jatetxera iristean gure sommelier-taldearekin zure gustuez eta lehentasunez hitz egitea gomendatzen dizugu, zure menuarekin bat datorren aukerarik egokiena eskain diezazuten. Gure upeltegi zerbitzua kopa, botila edo uztartzeko aukera batzuen bidez eskaintzen da. Alkoholik gabeko edota alkohol graduazio baxuko aukera bat barne.

Gainera, ardoen bilduma propioa dugu: Mugaritz Vis à Vis. Ardo-sail bizi eta aldakorra da, ekoizle aliatuekin, pertsonaia konplizeekin edo inspiratzaile hutsekin eskuz ehundutako lankidetzen emaitza. Haiekin batera, Mugaritzen bakarrik kortxoa kentzen zaien proposamen zirraragarriak aztertzen ditugu.

Mugaritz esperientzia-kontzeptuaren oinarria bazkari edo afari baterako gonbidapen bat da, bisitatzen gaituztenek gure filosofia gastronomikoaz goza dezaten, eta ahoa ez ezik burua ere ireki dezaten. Opari-bonuaren hiru aukera ditugu:

• Mugaritz esperientzia: dastatze-menua eta menuarekin batera gure sommelier taldeak prestatutako edari-sorta txiki bat barne hartzen ditu. Kontzeptu horren prezioa 390 €-takoa da pertsonako, BEZa barne.
• Mugaritz & Esentzia esperientzia: dastatze-menua eta alkoholik gabeko edota alkohol-maila baxua duten edariekin egindako maridajea. Aukera hartzituak, teak, zukuak eta bitxikeriak sukaldaritza-proposamenarekin batera. Kontzeptu horren prezioa 430 €-takoa da pertsonako, BEZa barne.
• Mugaritz & Laztana esperientzia: dastatze-menua eta Vis à Vis uztarketa osoa barne hartzen ditu. Vis à Vis ardoen eta beste edari batzuen bilduma mutantea da, ekoizle konplizeekin eskuz ehundutako kolaborazioen emaitza. Ekoizle horiekin batera, Mugaritzen bakarrik deskortxatzen diren bitxikeriak aukeratzen ditugu. Kontzeptu horren prezioa 510 €da pertsonako, BEZa barne.

Bidalketa nazioartekoa bada, bidalketa-gastuengatik aparteko 30 euroko kostua du. Esperientzia 2 denboralditan kontsumituko da, ematen den egunetik zenbatzen hasita, eta irekita geratuko da oparia jasotzen duen pertsonaren erabakia hartzeko, zein egunetan hartuko duen.

Bonu hau erosi edo oparitu nahi baduzu, edo informazio gehiago jaso nahi baduzu, bidali mezu elektroniko bat info@mugaritz.com helbidera edo deitu 943 522 455 telefono-zenbakira (asteartetik larunbatera, 9:00-17:00 bitartean).

Mugaritzen zerbitzu bakoitzean 25 mahaikide arteko lekua dago, eta, espazioaren aldez aurreko erreserba pribatua eginda, 170 izan daitezke. 25 lagunetik gorako eskaerak egiteko, jarri gurekin harremanetan info@mugaritz.com helbide elektronikoaren bidez.

Gure mahaien eta aulkien diseinua dela eta, eta ahalik eta zerbitzu onena eskaintzeko asmoz, gure mahaietan gehienez ere 14 mahaikiderentzako tokia dago. Talde handiagoak elkarren ondoko bi mahaitan edo gehiagotan jartzen ditugu, mahaikide berdintsukoak guztiak.

Upategiari dagokionez, taldearen lehentasunetara edo eskaeretara egokituko den proposamen bat egiten dugu zenbait aukeratan oinarrituta.

Bazkaltzeko ordua 12:30ak dira eta afaltzeko 20:00ak. Dastaketa zabala da eta mahaikideek 2 ordu eta erdi inguru partekatzen dituzte gurekin. Puntualtasuna eskatzen dizuegu, esperientzia lasai goza dezazuen.

Mugaritzen ez dugu inolako janzkera-koderik. Zuek esperientziaz gozatzea eta ahalik eta erosoen sentitzea da guretzat garrantzitsuena.

Mugaritz landa-eremuan dago, Donostiatik 15-20 minutura. Google Mapsen kontsultatu dezakezu helbidea.

Mugaritz landa-eremuan dago, eta hemendik gertuen dauden ostatuak landa-turismoak edo landetxeak dira. Donostiako turismo-bulegoaren webgunean sartzea gomendatzen dizugu, eskualdeko ostatu-aukera guztien zerrenda xehatua aurkituko baituzu bertan.

Mugaritzez gain, IXO Taldeak hiru establezimendu ditu Donostian: Topa Sukaldería (sukaldaritza euskal-latinoa, Gros auzoan), MUKA (sua arakatzera gonbidatzen duen proposamena, itsasora begira dagoen terraza batekin, Kursaal Biltzar Jauregian kokatua) eta Bodegón Alejandro (euskal gastronomiaz gozatzeko proposamena, Alde Zaharrean kokatua). Bilbon bi jatetxe ditugu Guggenheim Bilbao Museoan: Nerua (esentzian, naturan eta lurraldean oinarritutako proposamena duena) eta Bistró Guggenheim Bilbao (sukaldaritza freskoa bertako produktuekin egina).

Bai, haurrekin etor zaitezkete. Ez daukagu haientzako menu berezirik, baina, erreserba egitean, haurrekin etorriko zaretela adierazten badiguzu, zure laguntzarekin, haurrek ere beren esperientzia izan dezaten lortuko dugu.

Gure mahaikide guztien erosotasuna bermatzearren, Mugaritzeko jangelan ezin da maskotarik sartu.

Bai. Gure instalazioak mugikortasun murriztua duten pertsonentzat diseinatuta eta egokituta daude. Dena den, halako xehetasunak aurretiaz jakinaraztea eskertuko genizuke, zure premietara egokitu eta ahalik eta erosotasunik handiena eskain diezazugun, mahaian, komunera joatean eta abar.

Hegaldi nazionalak:

Donostiako aireportua
Donostiako aireportua (IATA kodea: EAS; NAZE kodea: LESO) hiriburutik 22 kilometrora dago; zehazki, Hondarribian (Gipuzkoa), Espainia eta Frantzia arteko mugan.

Nazioarteko hegaldiak:

Bilboko aireportua
Biarritzeko aireportua